| 嘩….真係好耐都無寫過日記啦….今日終於的起心肝寫番篇。咁究竟係咩令我有呢個衝動呢, 之唔係近好hit o既BT囉!! 其實不嬲都覺得翻版同埋網上download upload問題好嚴重,不過當尋日睇完有線o既 “先睇星期四”,聽完o個個BT網民講o既,真係血都噴埋!!! 其實有睇我個妹o既日記o既朋友都會知道佢已經發表過佢係呢方面o既意見,不過我都好希望係度講我自己o既睇法。其實我最唔明點解當大家去download or upload 戲或者歌陣唔覺得自己係賊o既呢?? 仲覺得理所當然咁,仲會話買正版o既人係戇居…唉… 點解大家連一個 “人”應有o既羞恥之心都無o既….一個二個係度做賊, 仲理直氣壯…仲要賴話人地拍d戲屎，CD又貴,所以先令到你地呢d “無辜o既市民”去睇、聽翻版，上網download…喂大佬呀，唔好再用呢d咁 “冠冕堂皇”o既借口啦, 自己縮骨就縮骨,貪著數就貪著數啦! 如果套戲屎,你咪鬼睇啦! 嫌CD貴,你咪鬼聽啦!其間大家只係因為偷呢樣o既時候,好少機會會比人捉到,同埋好多人都會咁做,所以唔覺得係咩一回事。好似尋晚個個BT網民話自己賣d衫咩 “實牙實齒”喎，所以偷o既人就梗係唔，而d戲同d歌就係 “information”喎，所以唔同…Oh My God!!!!!!!!!!!! 咁o既都講得出口??咁大個人…食咩大??? 首先,個d係人o既 “Property”,當然佢亦都可以話係d “information” ,但係佢唔係 “Public information”,唔係人人都可以唔駛錢就可以到…唔該唔好係用d賴係理據o既去解釋自己所做o既…諗起都想大巴大巴 “星”落去…
老實講,我話自己無用過,無聽過,無睇過翻版你地都唔信啦…但係我話比自己聽儘量唔好去做. 我可以講比大家聽,翻版CD同翻版港產片VCD我都冇買過, 而其他地方o既劇集或電影, 如果無係香港出正版d,都有試過買翻版. 而download歌,就試過download 過三首歌,不過聽完就delete,之後就無試過。我唔係想話比大家聽我自己幾咁有良心,只係想大家係做呢之前諗一諗,其實自己係度偷緊人地用好多資源去做出o既,你咁做係侵權, 係犯法, 而減少咁做(當然最好係直頭唔好做啦).
我知好多人都唔會認同我以上o既睇法,而我自己平時亦唔會同朋友討論呢個問題,因為當你個個朋友都聽緊MP3o既時候,你兜口兜面話自己覺得download歌d人係唔就好似好冇禮貌咁,亦無謂傷大家感情.所以借機會係度講,如果大家睇到就睇啦,又如果你覺得我係話緊你o既話,咁你下次見到我陣就當冇睇過呢篇啦!! 哈哈!!正所謂 “道不同,不相為謀”呀嘛!! 同樣道理,如果你有想反駁我o既話,亦都唔駛係度留言啦, 我係唔會”so”你o既!!! |
